اسم الاغنيه: بانو بانو
غناء:سعاد حسنى
تاليف الكلمات: صلاح جاهين
من فيلم:شفيقه ومتولى
بانو بانو بانو
على أصلكو بانو 2
والساهى يبطل سهيانه
ولا غِنى ولا صيت
دولا جنس غويط
وكتابنا يبان من عِنوانه
بانو أيوه بانو
بانو بانو بانو
على أصلكو بانو 2
جربنا الحلو المتعايق
أبو دم خفيف
وبقينا معاه إخـْوَه شقايق
فاكرينه شريف 2
أتاريه مش كده على طول الخط
الطـَبْع الردى من جواه نط 2
خلاص بقى مهما انشال وانحط
مافيش دمعة حزن عشانـُه
بانو أيوه بانو
بانو بانو بانو
على أصلكو بانو 2
وعرفنا...سيد الرجاله
عرفنا... عين الأعيان 2
من بره شهامه وأصالة
تشوفه تقول أعظم انسان
وعرفنا...سيد الرجاله
عرفنا... عين الأعيان
من بره شهامه وأصالة
تشوفه تقول أعظم انسان
انما من جوه يا عينى عليه
بيّاع ويبيع حتى والديه2
واهو ده اللى اتعلمنا على ايديه
القهر وقوة غليانه
بانو بانو بانو
بانو بانو بانو
على أصلكو بانو 2
دوروا وشـُّكـُو عنى شويه
كفايانى وشوش
ده أكم من وش غدر بيه
ولا ينكسفوش2
وعصير العنب العنابى العنابى
نقطه ورا نقطه يا عذابى يا عذابى 2
يكشف لى حبايبى واصحابى
يوحدنى وانا ف عز شبابى 2
القلب على الحب يشابي
والحب بعيد عن أوطانه
بانو أيوه بانو
بانو بانو بانو
على أصلكو بانو
أهو كده بانو
على أصلكو بانو
الرئيسية 
شاركنا بالتويتر 
موضوع: اسم الاغنيه: بانو بانو --غناء:سعاد حسنى 